Oté

« Koté mi dor mon bèrtèl ansanm ! »

In kozman pou la rout

Justin / 15 févrié 2018

JPEG - 43.6 ko

Konm zot i koné mèrkrodi té la fète z’amouré. Sorman si ou i rogard kalandriyé, ou i oi lé marké Sin-Valantin. Yèr té mèm in fète bann krétyin i apèl sa lé Sann. Konm la plipar bann fète rolizyèz, i koné pa bien ousa sa i sort é dopi kan i fète la fète-la : néna mèm in zistoir i di troi sin ansanm la donn o nom la sin-valantin. Dann la kour lo roi l’anglétèr, lo zour la fète sin-valantin té i form in koupl : in jenn jan avèk in jenn-foy é lé dé té oblizé ète zantiy inn avèk l’ot tout in zourné. Mé pou kosa mi anparl de sa ? Pars provèrb moin la mark an-o la lo bèrtèl sé lo madam é inn i kite pa l’ot é l’ot i kite pa l’inn. Zot lé konm shoushoute avèk la mori, konm martin péshèr épi son martine-zoizola, si inn mor, l’ot i arète manzé é li lès sali alé l’ot koté la vi. Alé ! mi kite azot rofléshi la dsi é ni artrouv pli d’van sipétadyé.