Oté

« Koté mi dor mon bèrtèl ansanm, koté mi lèv mon bèrtèl ansanm »

In kozman pou la rout

Justin / 19 octobre 2018

JPEG - 43.6 ko

In bèrtèl nout tout i koné kosa i lé. In tan demoun téi di bretèl mé sorman bèrtèl avèk bretel sé topète morète - boit zalimète. Kan moin té marmaye, moin téi viv dann la kanpagn é mi souvien bien tout bononm l’avé z’ot bèrtèl kisoi pou fé inn-d é pti komisyon, kisoi pou amenn z’ot zoutiy zvèk zot si tèlman lo bèrtèl avèk lo moun lété konm dé inséparab-néna zoizo i apèl konmsa ! Kan inn i mor l’ot i lès sali mor. Inséparab ? Konm in madam avèk son mari. L’èrla shanté moin la mark an-o la i vé dir sinploman fanm i doi suiv son mari, sansa fanm mari i pé pa séparé. Mi koné pa kosa zot i pans de sa zordi vi k’lo moun la fine bien évolyé. Alé ! Mi lèss azot rofléshi dsi l’évolisyon-la é ni artrouv pli d’van. Sipétadyé !