Kou d’kongn mé zami, zot i rapèl ankor kosa sa i lé ?Zot i rapèl kan nou téi marsh pyé a tèr épi nout gro doi d’pyé i bite avèk galé sansa in bite la tèr dir ?

Zot té i rapèl kan nout bout doi dpyé téi rotourn an po jak. Téi falé lo tan pou guéri in n’afèr konmsa : té i falé bin sho avèl gro sèl dodan, téi falé anroul lo doi avèk morso shifon… défoi té sal vèye pa komman !

Mèm dé foi in pé téi gingn tétanos, dann tan té pa vaksiné. Mi pans koméla avèk savate lo doi sa i ariv ankor mé moins kan nou téi marsh pyé tou ni.

Solman konm moin l’apré komant in provèrb mi pé di « koudkongn » sé bann zaksidan la vi, é kan sa i ariv in moun si son tète lé pa vid, li tash moiyin romète son vi droit pou évite lo malizé lo plis posib.

Alé ! Mi kite azot rofléshi la dsi é ni artrouv pli d’van. Sipétadyé !