Mésyé, Médam, La sosyété koz èk moin sé koz èk in kouyon mé sé o pyé d’lo mir k’i oi lo bon mason. Mé zami zot la déza vi in tète la mori zot ? Pétète si zot néna bonpé la shans pars la mori lé vandi san tète, konm poisson vietnam – sak i apèl pangazus-si zot i vé. Donk kour aprésa, mi pans sa in n’afèr bien difisil, kaziman in n’afèr i la pa posib. Si mi di azot miraz, sa i di azot kékshoz sa ? Zot i koné bien in vizyon é pa ditou in réalité. Pou ma par, konm d’ot moun moin néna vizyon, mé kan mi dor, é kan mi révèye Pft la fine alé an fimé. Si ou i viv pou trap bann shimèr sansa bann vizyon lé for posib dolo la fine koul dsou lo pon avan ou i trap késhoz intérésan. Poitan néna in bonpé d’moun i viv pou sa é zot lé touzour tèl ke sé. Alé ! Mi kite azot rofléshi la dsi é ni artrouv pli d’vn. Sipétadyé !