Mézami oila in gayar kozman é mi panss sak la fine obliye ali i dovré romète sa dann zot répèrtoir d’ kozman. Sa i vé dir sé in n’afèr fassil vèye pa koman pars zot i koné in kouto si li koupe mèm in pé, lé pa difissil pou li rante dan la grèss.

Solman si i di in kouto i koupe pa d’bèr sansa i koupe pa la grèss, sa i vé dir li koupe pa ditou é lé bon pou ropass ali.

Alé ! Mi kite azot rofléshir la dsi é ni rotrouv pli d’van, sipétadyé.

NB mèrsi bien lo kamarade la rapèl amwin léspréssion-la, konm li oi sa la pa tonb dann zorèye in sour-i pé dir ossi in moune i antan pa zorèye.

Justin