Vakoa konm zot i koné sé in bon épi in mové zafèr : bon pars i fé gayar manzé ansanm konm gato, konm salad avèk lo chou, konm bonbon, épi d’ot shoz pou fèr sinploman itil sansa zoli konm shapo… arzout èk sa issi shé nou sak lé zoli épi lé bon souvan défoi i ansèrv ankor pou fé la tizane.

Mé mwin la di azot défoi sé in mové zafèr pars li néna troi ranz épine é bann zépine-la lé kapanb fè soufèr in moun an déshiran son po par égzanp osinonsa abouti l’androi.

Astèr nout kozman i adress ossi la sossyété. Koup troi koté sa i vé dir ossi shanj parti, shanj l’opinion, vote pou x zordi é pou y domin, si aprédomin la pa pou z. Kozman la politik mwin la di azot ? sirman pars si lo bann zéléktèr néna l’opinyon frazil, i anpèsh pa zot trayir zot prop partizan.

Ami kite azot rofléshir la dsi é ni retrouv pli dvan, sipétadyé.

Justin