Oté

« Koz fransé i aprouv pa out gran l’intélizans »

In kozman pou la rout

Témoignages.re / 2 zwiyé 2018

JPEG - 43.6 ko

Kan bann bourboné li téi sava Moris zot téi trouv drol bann morisien i koz dann z’ot lang-kréol morisien - mèm si zot lété rish épi instruy, é dé foi minis La répiblik. Kan in pé kréol La Rényon la di i fopa mépriz nout lang anou-kréol rényoné. Sak té i koz kréol kisoi dann l’administrasyon, kisoi dann télé, téi pass pou in bann foutèr d’dézord, séparatis, é toout sak i s’ansui. Pli pir, sak té i koz fransé li té i pran ali pou sipèryèr é pétète désèrtin moun i pran ali pou sipèryèr. Mé dann fon dé shoz, la pa la lang ou i parl i rann aou pli intélizan, sansa pli inbésil mé sak ou i di, la manyèr ou i di, épi bann rézoneman ou lé kapab dévlopé. Moin mi pans konmsa ! Pétète zot non ? Mi lèss azot rofléshi la dsi é ni artrouv pli d’van. Sipétadyé.