Mi an souvien in tan kan in moun téi koz fransé lé zot téi moukate an silans-an dsou si zot I vé. Mi rapèl in zour dann in kabar in ga téi shant : « Mi koz pa kréol, amoin mèm fransé boulon » é tout lo moun téi aprouv. Moin la antann osi désèrtin moun apré di si in pé I koz kréol rényoné sé pou fé l’intérésan. Mi pans mèm désèrtin moun la ont koz kréol pars pou zot koz fransé sé in prèv ou lé kiltiré, é koz kréol sé aport la prèv ou lé pa tro kiltiré. Finalman la pa pars ou i koz tèl lang ou lé pli kiltivé. Sé plito la rishèss out kozman i amontr out nivo d’ kiltir. Nou rényoné nou noré, sanm pou moin intéré ète bilang o moins donk koz kréol rényoné, é koz fransé é pétète an avoir in troizyèm lang la pa pli kouyon solon moin. Alé ! Mi kite azot rofléshi la dsi é ni artrouv pli d’van. Sipétadyé !