Souvan moin la fine antann dir : « La ou i di tro, ou pa z’asé ! ». Nout tout i konpran bien kosa sa i vé dir. Biensir sa lé vré kan in moun i komans difiz in n’afèr dsi moun. Dizon in la-di la-fé si zot i vé. A ! La-di la-fé, sa sé in éspor intèrnasyonal pars zot i koné, la pa arienk La Rényon i fé sa. In pé partou ! I paré mèm sa i éspas souvan dann in vilaz, sansa dann in sosyété d’moun, é konm i di : In mo parti i pé pi z’ète anvalé. L’èr-la li komans son déga é li sava fé in gran shomin vèy pa koman. Sé pou sa, ni pé dir, i vo myé pa dir arien ditou pars i komans par in mo, in mo i amenn dé, dé i amenn troi é momandoné ou lé mal a l’èz pars ou i artrouv aou dann milyé in tourmant ou la pa prévi . Alé ! mi arète tèr-la zordi pars moin lé sir, moin osi moin la fine di tro dann sète afèr. Konm di lo kont : « lang métré boush ! [1] » é ni artrouv pli d’van.