Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami néna d’moune i koz pou di dé shoz k’i vo la pène, mé néna d’ote i koz pou pa dir arien d’bien. Dann kréol rényoné i apèl sa koz la boush rouvèr, mé dann kréol morisien i di plito « koz pou pa la boush pu ». Inn é l’ote lé parèye pars dizon i koz otomatik, i di bande mo épi i fé bande fraz mé o total sé pou dir dé z’afèr lé pa inportan.

An parmi bande kozman konmsa ni pé ankor antande : « koz konm in liv fèrmé », « koz konm in liv déshiré », pli grav kan « i koz konm in léstrévagué » donk konm in fou-anfin néna in bonpé lésprèssion dsi lo kozé é méyèr manyèr pou rande azot konte sé lir « somi lo mo » in liv lo Gran Daniel Honoré.

Donk mi kite azot rofléshi la dsi é ni artrouv pli d’van, sipétadyé.