In kozman po la rout

« Koz la boush rouvèr »

24 avril 2018, sanm Justin

Mi koné in kozman morisien i di : « in moun i koz pou pa la boush pi ». Mi antann souvan dé foi « demoun i koz initil ». Mé moin lé sir néna in bonpé patoi konmsa, mi arvien pi toutsuit la, mé si mi sa fouy dann liv moin lé sir d’trouvé… Kan in moun i koz, sanm pou moin sé pou dir in n’afèr-kominiké si zot i vé. Mé i ariv dé ka demoun i koz, anfinn kont, pou pa di arien i ansèrv kékshoz. L’èrla, mi kalkil in kou épi mi domann kouk i ansèrv ? Pou moin, sa i ansèrv pa arien. Mé si demoun i di bann kozman pou moin lé initil, pou zot pèrsonèl sa i ansèrv kékshoz. Alor kosa k’i ansèrv ? Kass lo silans, sa sé in n’afèr désèrtin la bozoin. La prèv zot i koz mèm tousèl. Pétète zot i koz pou égzisté : mi koz donk moin lé vivan, mi koz é mi éspèr demoun va fé in kont sanm moin. Alé ! Mi kite azot rofléshi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus