Zéléksion i ariv. Tazantan mi ékout mon radio : mon kamarad la"doublir" i fé konm moin. Dëmoun i apèl alï la doublir akoz partou lï sava, son madam avèk lï.
Donkalor, lë "La Doublïr" i di amoin : ou koné na demoun i di zot i sar vot Lepen. Mi dëmann alï akoz don ? Li réponn amoin, li koné pa épï lë moun i di sa, zot i koné pa non plï.

Mi rès an plas pou arfléshi épï mi di dann mon kèr : akoz sa, Lepen la pa pou la libèrté, la pa pou anbosh fonksionèr, la pa pou soulaj bann travayèr. Lï la pa pou tout sak in moun normal i vë. Lepen i em pa bann zémigré alé oir nout tout sé zémigré. Kréol lé toléran si la késtion la rëlijion, sï le zopinion ali non.

Lepen la pa adroit, la droit la fine fé mal a nou. Li lé dann lékstrèm droit, sa va fé mal anou plis kë ! Na dé troi zour, son bann nèrvis la tonm sï in boug solman akoz li lé z’arab, la dëmi éstropyé lë moun.
Alor lé ga : kozé lé bon, i détak la lang ! Konèt sak ou di, la pa plï bèt non plï.

Justin