Lo vré diférans rant in roi, sansa in shèf, épi nou sé ké si ni pé done anou lo droi koz la boush rouvèr, in shèf, sansa in roi, i pé pa pèrmète ali fé in n’afèr konmsa. Pars si li fé sa, li lé riskab antrènn son pèp dann malizé. Li pé galman fé d’tor son bann z’alyansé. Mé nou, si ni di di in mové parol, si ni donn in mové kozman, lo risk lé pou nou solman é pa pou l’imanité. Mèm fé d’tor in éi, sansa in nasyon ni pé pa… Antansyon, lé ga, koméla, nana désèrtin shèf épi désèrtin roi i kroi z’ot lé lib koz konm zot i vé, é kan bèzman i ariv sé bann sitoiyin, sansa lo pèp k’i gingn boubou dsi la lèv. Donk lo shèf épi lo roi na l’droi koz kom zot i vé, fé sak zot i vé ? La pa vré sa, pars in gran shèf i doi an avoir lo sans l’intéré zénéral plis ké ou é ké moins ansa zot n’arté pal o shèf sansa lo roi. Alé ! Mi lèss azot réflésjhi la dsi é ni artrouv pli d’van sipétadyé.