Médam, Mésyé, La sosyété, koz èk moin sé koz èk in kouyon, mé sé o pyé d’lo mir k’i oi lo bon mason. Ni kontinyé nout batkaré dann l’afrik an proverb. Zordi nou lé dann la réjyon Bahoumbou dann in gran péi I apèl Zaïre zordi Répiblik popilèr lo kongo. Sa I rapèl amoin in kozman kréol rényoné I di :”Néna arienk la guèl de bon : for pou kozé fèb pou sobate”. Mé zami, kozman-la sa in provèrb é an tan k’provèrb li di la plipar d’tan kékshoz lé vré an sosyété. Konm sak moin la di an-o la : bon pou kozé, mové pou pass a l’aksyon. Mé désèrtènn foi I pé d’mandé kosa lé myé : vol dann ta sansa kriy pangar. Shakinn konm I di I oi midi dsi son montr, mé lé pli préférab rofléshi dsu lo kosa ou i sa fé dann in sityasion k’I prézant. Alé ! Mi kite azot rofléshi la dsi é ni artrouv pli d’van. Sipétadyé.