In kozman pou la rout

« Krédi i pèye pa son kor »

8 févrié 2019, sanm Justin

Dan la boutik lontan l’avé bann désin in pé drol-drol : in boug gra gro-vant avèk in bèl sigar dann bèk é in boug mèg flanké vèye pa koman. Dsou lo gro-gra l’avé : « li téi vann kontan », dsou lo mèg flanké lété marké : « i téi vann krédi. ». Karikatir-la i aramenn anou dsi nout kozman pou la rout marké an-o la. Alor krédi sa in bon zafèr, sa in mové z’afèr ? Dann tan lété in mové zafèr mé koméla : san krédi la poinn komèrs. San krédi demoun i gingn pa ashète arien. Mi souvien kan krédi l’ariv an kantité la famiy téi mète an gard : Mon n’anfan ashté kontan, ashté pa krédi. Krédi ou va pèye pli shèr ! Pars, boudikont, krédi i pèye son kor é pliské. Lo tan la shanjé é lé forsé viv avèk son tan mèm si ou i gingn shové blan pli bonèr k’avan. Mé lé konmsa é pa otroman. Alé ! Mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus