Oté

« Kréol kozé, kréol konprann 

In kozman pou la route

Justin / 26 zwiyé 2021

JPEG - 43.6 ko

Médame zé Méssyé, la sosyété koze èk mwin, sé koze èk in kouyon, mé sé o pyé d’lo mir k’i oi lo masson.

Mézami, oila in kozman pou di koze sinploman épi va konprann aou : souvan dé foi déssèrtin i konplik lé shoze é lé difissil pou konprann azot, konm lé difissil fé konprann azot par l’monde. Sé pou sa, bande saj péi Haïti i invite a koz sinploman pou k’i konpran aou. Dann in péi kréol, kèl lang i koze pli fasilman ? Lo kréol. Kèl lang i konpran lo pli fasilman ? Lo kréol galman. Ala pou kossa bande saz péi Haïti i invite demoun a éshanj an kréiol : méyèr fasson pou konprann é pou ète konpri. Alé ! Mi kite azot o n la dsi é ni artrouv pli d’van. Sipétadyé.

Créole palé, créole komprenn : in proverb péi Haïti.