Moin la fine rakont azot Torti avèk Tang t’apré bate karé é toudinkou in kamyonèt i ariv é ison rou i pass dsi Tortis an tyé ali. L’èr-la, Tang i fé in paryaz avèk Torti é li prpmète si in loto i ariv, avèk son zépine li pèrs la rou. Torti lé trakasé pou son kamarad é oila d’in kou in loto i ariv. Torti i dison zami sort dann shomin mé l’ot i vé pa. Kosa i sava arivé bondyé Ségnèr ?
L’avé inn foi pou inn bone fi, mésyé lo foi la manz son foi avèk dé grinn sèl.

Tang i ékout pi pèrsone li la. Li mète ali an boul, tout son zépine drésé konm chaudron dan la mèr épi li mète ali bien landroi la rou loto i doi pasé.

Mi rapèl mon papa Gramoun Félix té apré rakont sa son madam té i apèl Claire é momandoné li arète kozé. Mon momon i domann ali la suite listoir. I di ali : « Alor Félix, kosa l’arivé ? ». Félix lé parti dann in pti rir énèrvan. Li lèss lo tan pass in pé épi li di « anfin Claire ! La rèss solman in pti pé d’mèrd dann shomin. »
Si zistoir lé vré, li lé vré ! si zistoir lé ma ntèr la pa moin l’otèr ! Mon zistoir lé fini : koton mayi i koul ! rosh i flote !

Mon Zistoir la fini.