Néna lontan mi antann demoun di kozman-la é konm pou in bonpé kozman mi domann amoin souvan dé foi kosa sa i vé dir pou vréman. Kosa,Lo moun i trète ali li mèm dë kouyon épi li invite a kroir ali pars li sé in kouyon : sa kékshoz i vé pa dir arien.Absird mi di azot, absird !Pars si ou lé kouyon, promyé zafèr mi kroi pa ou.

Mé si ou i pans fason la pèrsone i koz sré plito in manyèr pou fé vantar,in manyèr di ou i koné bien sak ou i vé dir. Mèm si lo lintèrlokitèr i pran pa li o sèryé, dizon i pran ali pou la valèr, li néna in l’opinyon bien fondé dsi kékshoz.Boudikont sa i vé dir, ou i pé kroir ali, mèm si ou i pans ou lé sipèryèr par raport ali, mèm si ou i pans ou lé plis lintélizans.

Mi koné pa ozis si zot lé dakor avèk mon poinn vizé mé pou moin sa i mérite in tan pou rofléshi.Alé ! Mi kite azot lo tan pou rofléshi la dsi é ni artrouv pli d’van. Sipétadyé !