(Page 16)

Na 120 an d’sa, lo 26 févrié 1885, a la fin la konférans Berlin, bann dirizan l’Europ la partaz l’Afrik ant gro zozo. Pou koup gato la, la pa rogardé koman lo péï lété. La trass frontièr ousa navé pwin. La transh frontièr ousa navé. Sakinn la ral lo bout pou giny lo pli gro morso.
Dann rédyion kouto-là, na ryink bann grinn la mizèr, la pouss an pyédbwa malèr. Dann rédyion kouto-là, la fane bann batay ant domoun, la kraz zot lidantité, la koupé, la transhé ; zordi ankor, lémorazi i an fini pa.
Bann dirizan l’Europ zordi i kalkil ankor bann nouvo frontièr si son kontinan. Li gard in koud’zyé si son bann vyé koloni. Kèl régar li vèrs pou l’Afrik zordi ? Kèl kozman ? Na pwin somanké la boush ankor tro plin pou kozé.

Justin