Bann plantèr lé anrazé ! Sa sé in nafèr la pa dir pou konprann : langré la goumanté - plis san ëuro la tonne. Fo pa sort lakadémi pou konpran kossa i sar ariv banna : dépans pliss pou gingn moins, mèm pou anpèrd larzan... Bann plantèr la pa marmay lékol ! Zot i oi kossa i sa ariv azot sèt ané épi lané proshène. Sèt ané, kan zot va gingn sak i apèl in lavans, zot porte-moné sar plate : krédi agrikol i ansèrv ali an promié. Alor, i fo anprète plis larzan, mé ranboursé, sa in n’ot afèr !

La, in pé l’apré di : bann matièr promièr la goumanté, lo pri transpor galman. Sa la pa ariv konmsa, d’in kou ! Na poin dmoun pou kalkil sa an avans. Asé fé lo bète don !
La l’apré ésèy oir si i gingn pa ranplas in pé langré avèk bann sou-produi la kane. Oté, lé ga ! lékime na lontan ni koné sa, la vinasse i vienn pa invanté, la sand-la dépi nana bann santral bagass nana sa ! Bien sir, fane pa sa konmsa ! Avèy bien si i arfatig pa nitilman in pé plis lanvironnman.
Lagrikiltir, sa in nafèr i fo fé travay la tète : i fo in lagrikiltir bien kalkilé !

Justin