Oté

« L’amour i romark mèm pa si pantalon lé rapyèsé »

In kozman pou la rout

Témoignages.re / 10 novanm 2018

JPEG - 43.6 ko

Dann lang fransé i di solman : l’amour lé avèg. Mi rapèl in voizine apré dispite apré son fiy, solon èl l’avé mal shoizi son mari. El téi di : in bon zo i tonm zamé dann la gèl in bon shien. Lo fiy téi réponn : défin papa-son papa lété pi la-la pa la roz édouar non pli, poitan la pa anpèsh azot maryé, zot dé li. Anou paran, souvan dé foi, ni romark dé shoz i fo pa é not romark i sèrv arienk pou dégaj nout bil, pa pou fé shanj d’avi nout zanfan. Parl pi kan ni mèl dé shoz la pa sir i rogard anou. Soman ni pans sé n out dévoir fé nout romark. La plipar d’atan in bon fèrmaz dé také noréé été pli valab ké nout romark lo pli pointi. Alé ! Mi kite azot rofléshi la dsi é ni rotrouv pli d’an. Sipétadyé !
- Roz édouar,i paré sa lété i roz éstra pou lodèr é pou la boté.