Mézami proverb-la néna in pé dann toute lang é si in zour zot i lire dann la lang franssèz : « L’amour est aveugle » ébin sé lo même zafèr ké sak mwin la marke an-o la.

Mi rapèl in voizine apré dispite apré son fiy, solon èl l’avé mal shoizi son mari. El téi di : In bon zo i tonm zamé dann la guèl in bon shien. Lo fiy téi réponn : défin papa laté pa non pli la roze edouard non pli poitan la pa anpèsh azot maryé, zot dé li.

Anou paran, souvan dé foi, ni romark dé shoz i fo pa é not romark i sèrv arienk pou dégaj nout bil, pa pou fé shanj d’avi noute zanfan. Parl pi kan ni mèl dé shoz la pa sir i rogard anou. Soman ni pans sé n out dévoir fé nout romark.. Alé oir, sa i ansèrv pa arien.

Alé ! Mi kite azot rofléshi la dsi é ni rotrouv pli d’van. Sipétadyé !

NB – Roze édouard, i paré sa lété i roez éstra pou lodèr é pou la boté mé konm i di : « shake krapo i trouv son krapode ! ».

Justin