Zot i koné kosa i lé in gamat ? Sa sé, konm k’I dire, in résipyan, i anserv pou prépar mortyé pou drès in mir. Pars kan lo gro la fini, i rès touzour in pé d’kabos é ba-fon mèm ti-mizing mé i rès. Donk sé avèk lo mortyé nana dann gamat ké lo mason i travay lo mir pou mète ali d’aplon.

Sa i vé dir ké ou i baz dsi la finisyon pou ardress lo mir mé sa i vé pa dir ké lo kor d’mir, sak lé par dsou, li lé droit pou vréman. Vi ké nou lé dann in provèrb ni pé dir ké lo l’aparans sé l’apaeans é la vérité lé pétète pal o mèm z’afèr.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète tazantan, dakor rantre nou.