Mi pans zot i koné kosa i lé in gamat ? Pou sak I koné pa, ni pé dir ali sa sé in résipyan, in sort kès, I mète mortyé dodan. Kan i di in mir lé d’aplon, sa i vé dir li lé bien droit, li fé bien 90 dogré avèk le l’orizontal. Kosa i éspas kan lo mir lé fo z’aplon ? Donk kan li lé pa d’aplon, I pran mortyé é i sèy rétabli lo l’aplon mèm si i fo gaspiy mortyé . Alor kan i di azot sak moin la marké, sa i vé dir ou i gaspiy lo matèryél. Sa lé vré pou lo mir, mé sa i pé z’ète vré pou in pé tout z’afèr ké ou i fé. L’aplon lé dann gamat sa la pa bon ditou, la pa in bon zéstyon.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, ni pé z’ète tazantan dakor rantre nou.