Diz’an sa lé long, sa lé kourt.Diz’an, lo tan ki fo pou fé in révolïsion dann transportaj dëmoun èk marshandiz dann in Rénion dévlopé, in Rénion in milion d’moun.Toulmoun i konpran in n’afèr konm sa !
Toulmoun ? Kroi aou sa ! Non nana sak l’apré rod in manda kisoi mèr, kisoi konséyé jénéral, kisoi dépüté i mérite pa zot..Alor, i fo zot i trouv in n’afèr pou dir, mem si la pa vré, mem si zot i di zordi lo kontrèr sak zot la di yèr.Mem si i fo roul dan la farine bann moun, la vi i lès pa zot lo tan
ki fo pou réfléshi.
Zot i em azot si tan tèlman k’zot i vé sèrv domoun konm marsh léskalié pou zot ariv anlèr, konm sèrpiyèr pou suy zot pié.Zot i em azot si tan tèlman, zot lé riskab, konm Narsiss sot dann bassin n’lo pou alé anbras zot limaz épi noiyé. Zot la pa Edmond Albius, zot sé lo bann mètr la rod vol son linvansion.
Dalon La Rénion,l’Avnir, avèk in bèl A, l’apré fé dovan nout zië. Listoir la shoizi anou pou oir sa, pou donn la min.

Justin