Médam, Méssyé, la sossyété koz èk mwin sé koz èk in kouyon mé sé o pyé d’lo mir k’i oi lo masson.

Mézami mi koné pa si zordi ankor bande marmaye i koz konmsa sinon si zot i di pa kruman «  i tarde pa akoushé li la ! » mé sré domaz pars parl an parabol lé pa si mal ké sa non pli.

Néna dé-troi soir bande pti zanfan té la kaz é l’èr l’ariv pou lir é dann la lékrtir mwin la trape lo liv lo gran christian Fontaine « zistoir Tikok », sapite 20, « l’aviyon la pass la kaz tikarl ». Mi koné pa si bande pli pti la bien konprande mé bande pli for la dékode lo kozman toutsuite.

Alé ! mi kite azot rofléshi la dsi é ni rotrouv pli d’van. Sipétadyé.