Trantan lé long, épi lé kourt : in tan ousa i pé spas in bonpé zafèr konm pa. Zistoman, l’ékrtir oktob 77 i vienn trap son trantan.
Si li la viv tousa d’tan, épi si nana in bon pé poèt, shantèr, zékrivin, mèm défoi la piblisité i ansèrv zoutiy-la, sa i vé dir nou lavé bézoin ali. Nou lavé bézoin an aoir in zoutiy, san alé fé in zoutiy shak foi na in travay pou fèr. Li la bien èd anou !

Nou na in bann moun lé bien koni, épi lékritir-la la ansèrv azot pou di zot bonèr, pou di zot malèr, zot rogré, épi zot léspoir, lamour pou z’ot zézèr, zot shagrin pou zot péi bien émé. In pé la sote la mer, la shant an parmi tan-é-tan dmoun tout sort péi, la koz dovan tan-é-tan dmoun. Zot la mète nout péi an lèr !

Zordi, i pé di, déssi déssèrtin poin, zoutiy-la nana in pti féblès. Sa sé in n’afèr k’i ariv, mé la pa pou sa i fo zète ali : ni sort loin avèk li, nou na ankor shomin pou fé sanm li. Si i fo aranz in pé, alon aranz in pé, soman manié an réspé.
Akoz lékritir oktob 77 la pa tout lo féklèr nout kiltir par li-mèm, mé li sé in n’afèr konsékan dann féklèr nout kiltir !

Justin