Oté

« L’om na dé zorèye épi in sèl boush »

In kozman pou la rout

Justin / 30 octob 2018

JPEG - 43.6 ko

L’om konm zot i koné néna sink sans : la vu é sé lo zyé k’i ansèrv pou sa, lo gouté é sa sé par la lang, la po sé pou lo toushé, lo né i ansèrv pou konète bann l’odèr. Aprésa néna inn i apèl l’ouï é pou sa li néna dé zorèy. Dé zorèye, pou in sèl boush-Pou fé koué ? Biensir si mi sava rogard dann liv, moin lé sir va ésplik amoin, zorèye i ansèrv pa solman pou antann. Mé si mi koup o pli vite, san z’alé rode midi dézèr d’laprémidi, moin lé oblizé romark nou néna dé zorèye pou in sèl boush. Donk la natir la fé anou konmsa-an touléka sé sak mi kroi - pou ékout défoi plis ké mi koz. Poitan, moin lé a d’mandé si la pa lo kontrèr é si sé lo kontrèr mi pèrd bokou a rouv mon boush shakéstan. Alé ! Mi kal tèrla, mi kite azot pou rofléshi la dsi é ni rotrouv pli d’van. Sipétadyé !