Médam, Mésyé, La sosyété, koz èk moin sé koz èk in kouyon-mé sé o pyé d’lo mir k’i oi lo mason. Mi domann amoin si la pa in moun I apèl Freud la di in n’afèr konmsa é si zot I rofléshi bien sirman zot va trouv li néna rézon. Souvan dé foi ou I antann in momon apré di èk son zanfan : ansèrv out kouto épi out foishète pou manzé, tir out doi dann out boush. Donk si toulmoun i fé konm toulmoun néna poin pèrsone pou progrésé. Si désèrtin i tatone, i kalkil, i rode, i shèrch néna déshans trouvé. Sa lé vré, mé koman fèr pou gard la konésans épi fé la pass bann zénérasyon I vien apré. Finalman, d’apré sak mi pans, fé konm lé zot, épi sèye fèr otroman ala shomin lo progré é néna arienk konmsa l’imanité I pé gardien son konésans épi konète dé shoz an plis.alé ! Mi kite azot rofléshi la dsi é ni artrouv pli d’van. Sipétadyé !