Noute kozman zordi lé pa féminiss, an kontrèr. Dann la lang franssé i apèl sa « mizozyne » donk sa i vé dir i yème pa bann madam. Pars si zot i konpran kom mwin sa i vé dir fam i afébli l’om vi k’in tash de rouye , boudikonte sa i anonss la fin d’lo bar d’fèr- dizon la fin lé déza programé.

Mi antan d’issi in pé apré di dann mon zorèye : Pou kossa wi di sa ?Diré wi done tor noute bann zansète la lèss kozman-la pou nou ! Mon réponss lé sinp : si nou néna bonpé kozman é si bann kozman-la i fé bien lo tour noute bann prinssip la vi an sossyété lé normal d’ète dakor avèk déssèrtin épi konte d’ote.Sirtou kan inn i di lo kontrèr d’l’ote é vèrsi-vèrsa.

Sé pou sa mi di , mi yème déssèrtin kozman épi mi yèm pa d’ote mé mi kite azot rofléshir la dsi é ni retrouv pli dvan, sipétadyé.

Justin