Oté

« L’otèl i arfiz pa gourman »

In kozman pou la rout

Justin / 12 désanm 2017

JPEG - 43.6 ko

Lé vré ou i sava pa l’otèl pou fé ti boush pars si ou i sava pou sa lotlyé i fé pa son bèr avèk ou. An plis donn aou pti pé manzé, lé riskab donn aou ti pé pou boir é avèk sa, fé pèye aou shèr. Mi souvien inn foi in l’otlyé l’avé fé tout in règloman pou rann lo l’antré obligatoir plis inn dé pla konsistan, plis ankor in désèr é kan la note téi sort out kart blé té i vir o vèr… Zot i koné koméla, ou i pé fé anbal si ou i vé, sak i rèss dann pla mé fransh vérité sa la pa in n’afèr k’i ral amoin bonpé. Alé, mi lèss azot réfléshi la dsi é ni artrouv pli d’van sipétadyé.