Oté

« La bank i prète aou in parplui kan lo tan lé gayar, mé li arpran son bien kan la plui i tonb »

In kozman pou la route

Justin / 1 avril 2021

JPEG - 43.6 ko

Médam, zé Méssyé, la sosyété kozman – la, mi panss sa in sèrtin Darry Cowl la di sa, mé kissa rant nou la pa panss in n’afèr konmsa in zour ou sinon in n’ote, kan nout shanss la tourné. Mé antansion, la pa arienk la bank i fé konmsa. Défoi oute prop zami ossi i di sa : « Si in zour ou la bézoin in n’afèr mwin sar la pou ou ». Konm i di, konte toujour dsu mé fyé pa tro ! Mi panss zot i koné galman kozman-la, sak i di konmsa : « Si wi prète larzan in zami, wi sava pèrde é out larzan é out zami. »… Biensir toute demoun la pa konmsa, bann sinik oui, mé moun normal non. Antouléka, mazine sak zot i vé majiné, mé rofléshi kant mèm dsi la késtyon. Alé ! Ni artrouv pli d’van. Sipétadyé.