Oté

« La bav krapo i fé pa arien dsi la blansh kolonb »

In kozman pou la rout

Justin / 27 mars 2020

JPEG - 43.6 ko

Médam, Mésyé, La Sosyété koz èk moin sé koz èk in kouyon mé sé o pyé d’lo mir k’i oi lo bon mason. Mé zami, moin la touzour domann amoin pou kosa nou bann zumin, ni malparl krapo avèk son bav. Kosa i sèrv la bav in krapo ? I sèrv pou trap son bann proi : li la poin lo dan é avèk son bav li antortiye son proi é li aplik sa kont lo dodan son mizo é l’afèr lé fète é son lanvi manzé kontanté. Mé si li sèye trap in blansh kolonb zïng la boulète, li la pa pou gingn fèr sa. Astèr la bav krapo kosa i lé ? Biensir sé la médizans. La blansh kolonb ? Mi pans sé lo Sintéspri é biensir la médizans i gingn pa salir lo Sintéspri. Si ou i vé pa la bav krapo i toush aou, i fo ou néna lo kèr pur in poin sé tou. Alé ! Mi kite azot rofléshi la dsi é ni artrouv pli d’van. Sipétadyé.