Médam zé méssyé, la sossyété, koz èk mwin sé koz èk in kouyon,mé sé o pyé d’lo mir k’i oi lo masson.

Mézami kozman-la i komanss a daté pars dann tan-la zandarm l’avé shoval é kan téi trape in volèr, téi amar lo min déyèr lo do épi téi fé avanss lo volèr dovan shoval avèk lo risk bande goute la bav téi tonb dsi la tète lo moune.

An mèm tan kozman-la sé in kri di kèr téi porte dsi lonèkté d’in moune .Mi rapèl in zour dovan la boutik Boi d’nèf Sind-ni in moune in pé bu téi kriye : « Mi zir ! Mi zir shoval zandarm la zamé bav dsi mon tète ! »

Mi kite azot rofléshi dsi la valèr in sèrman konmsa néna é nou va rotrou pli d’van. Sipétadyé.