Mésyé, Médam, La Sosyété, koz èk moin sé koz èk in kouyon mé sé o pyé d’lo mir k’i oi lo bon mason. Ni kontinyé vizite l’Afrik an provèrb.zordi ni ariv dann Kamroun é avèk plis présizyon dann péi Bamoun. Tèrla mèm demoun i di kozman moin la mark an-o la .kosa i vé dir sa par l’fète ? Si nou l’avé pou koz an kréol rényoné nou noré di : « Demoun la boush-sansa la guèl - i grate ». Mi pans sé lo mèm zafèr ké dann provèrb bamoun. La vérité sé ké l’moun, la plipar d’tan, i ariv pa blok in parol mèm kan li san sé in parol an tro é va raport ali l’annuiman, é lo kontantman pou an avoir di in « bon mo »-konm in pé i di, sar fèb par raport lo konsékans posib. Moin mi sèye mé mi ariv pa touzour anval lo mo d’tro pars si moin néna lo mo pou dir, lo moun néna zorèye é la mémoir é konmsa mèm kékfoi in l’amityé i tonm atèr. Alé ! mi kite azot rofléshi la dsi é ni artrouv pli d’van. Sipétadyé.