Kosa i lé in vré z’ami ? In vré z’ami I kont konm in vré frèr. Ou I pé pa s’an pass de li é li pé pa s’an pass de ou. Séllé, kosa I lé ? In kékshoz pou anpèsh rouvèr san pass par in onm de loi. Donk si nana séllé dsi la boush, sa I vé dir nana konm in interdiksyon. Séllé dsi la boush sa I vé dir na dé shoz ou i di pa. Or si ou lé ami avèk in moun ou i di ali tout z’afèr é na poinn shoz ou i sansur. Mi pans zot la konpri ! Pou mon par, mi fèrm mon také. Pou insi dir, mi mète sélé dsi mon boush. Na artrouvé !