In kozman pou la rout

« La boush lé bète ! »

9 zanvié 2020, sanm Justin

Mésyé, Médam , La sosyété, koz èk moin sé koz èk in kouyon-mé sé o pyé d’lo mir k’i oi lo mason. Zordi mi propoz azot in provèrb : néna dé foi i di galman « lo dan lé bète » é mi pans i pé z’ète lo mèm zafèr. Sa i vé dir, pou in oui, pou in non, pou in sinp kouyonad kékfoi mi pète a rir. Tazantan sa i zène pa pèrsone mé tazantan désèrtin i pé z’ète véksé. Alor pou diminyé la porté d’mon pète a rir, mi di sak nou la mark an o la. Sa i vé dir mi ankèss pa tout la résponsabilité vi k’lé partazé avèk mon boush ou sinonsa avèk mon dan é konmsa, mi éspèr fé bèss in pé la tansyon. Défoi i nyabou, défoi pa. Mon gran-mèr téi di : lo myé sé pèz out boush sansa out lang, é konmsa ou i évite éskiz aou bètman. Alé ! Mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus