Oté

« La brèze k’i dor dsou la sann lé riskab bril la mézon »

In kozman pou la rout

Justin / 1 mars 2021

JPEG - 43.6 ko

Médam, zé Méssyé, la sosyété kozman mwin la mark an-o la sa in proverb l’Afrik, mé konm zot i koné sak lé vré mé laba i pé z’ète vré issi galman, sansa dann i n’ot landroi. Sans prop sa lé vré pars majine in kou si lo van i souf, épi si zétinsèl i vol, in kaz é riskab alé an flam épi an fimé. Mé kozman-la néna galman in sans figuiré, sa lé valab galman pou la sosyété. Kan i ramass in kan tité la kolère, momandoné i pète é i fé kisoi in rév olisyon, kisoi in révolt lé pa touzour possib konète lo tonan épi lo zaboutissan : issi La Rényon ni koné sa kann out péi la flanb pou in télé sansa pou d’ote zafèr ankor. Néna sa dann « mon ile »in gayar shanson Jacqueline Farreyrol, noute bann léktèr i doi konète sirman é si i koné pa lé pa tro tar pou fé la konéssans. Alé ! Mi kite azot rofléshi la dsi é ni artrouv pli d’van. Sipétadyé.