Yèr, moin lété la Grann’Shaloup pou in lomaz pou bann zangazé indien. Sa sé in kotpar nout listoir, lé sùr. Moin té onté marsh partou san konèt kosa lavé vréman éspasé sù térin-là. Dépi lontan moin té vien par là. Pa pou dir moin té i koné pa kosa i lé vréman, mé moin té i koné pa parkèr. Alala, i koz, i prétan dir, i sar fé in Mémorial èk tout se bann batiman istorik.

Selvam Chanemougame, prézidan lantant Tamij Sangam, la mèt le doi sù in nafèr pa kouyon vréman. Si lazaré-là lé istorik, lé inportan pou nout listoir, kosa Lékipman i fé anndan-là ? Zot napoin in térin inn ot koté pou zot matériel ? I fo zot i pil nout listoir-là astèr ?

Té arèt in-kou. Okùp sa vréman. Aranz alù. Mèt alù bien prop. Si bann touris i vien vizité, sra pa in mal. Mé si tout bann marmay lékol i vizit sa, zot va konèt zot listoir La-Rénion. Mé avan, noré été bien la DDE i sar inn ot androi.

Zistin