(Page 16)

Apré Saint-Denis, sé le tour Le Port. Kou si kou, dé famiy i artrouv azot déor zot kaz. In fénomèn i risk miltiplié par le tan i kour. Kan travay lé rar konm korne lapin, pa touzour fasil zoinn lé dé boute. Parlon pi onor out krédi !

Sazi pa zistifié ninportkpoué. Mé in lèsklizion antrènan lot, lèkspilsion in famiy son kaz lé sèrtènman lo form le pli violan èk lékèl in sosiété i rozèt son bann manb. La fote aki ?!!

Le pir sék ni artrouv anou, noute toute Rénioné, èk lé dé bra konm paralizé. Le bann boug la diskite, avantièr dann la télé, si problèm lé préférans’ rézional ou sinonsa métropolitène lété konm angonsé parèy. La klé tousala sé lanploi pou toute. Mé koman i fé kan i done pa nou le moyin débarbouy anou par nou mèm ?!!!

Justin