Kozman-la i di dann plizyèr lang. Akoz i diré pa sa galman dann la lang kréol La Rényon ? Dizon in vyé lésprésyon fransé-i paré i ansèrv sa dopi disétyèm syèk !- noré pass dann nout lang matèrnèl. Tout fason, kosa li vé dir ? Ni dovine a popré. Mé ousa li sort ? Sa sé in n’ot afèr. Bann tète prop la litératir la kass azot par boute pou rode in fason orizinal pou éspliké. Néna inndé zésplikasyon i vo pa arien é d’ot i vo zot poi an kaka moino. Pou nout par ni pé dir lo la ansèrv pou kui boudin é i ansèrv pi pou arien zis pou zété, sansa pou ansèrv lo sal pou koshon. Donk la fini par in kékshoz i vo pa arien. Pli pir, é bann kizinyé i pé dir anou si lo boudin i filn an lo li la pi bon ditou. Alé ! Mi lèss azot z’ot tour kass z’ot koko la dsi é ni artrouv pli d’van. Sipétadyé !