Bonpë dmoun i koné la romans "mon péi bato fou"*, sa in shanté i parl bann moun léspri lé anklavé solman avèk lidé"la Frans". Na in bon koup dë tan,sa. Tan-la, nou pë apèl sa, lë tan la kouyonis lé
fini ? la pankor fini ? La fini, konm pa ?
La pa fini si ou i oi kossa i éspas kan in zéléksion i ariv. In pë i rogard pï arien. Lé konm in dansé dann bann soiré : agosh, agosh ! adroit, adroit ! san fé marsh la tèt. Aprésa i pransink an pou èt an kolèr, pou fé rienk margogné, pou èt déçu.
Si nou téi fé konm Marie-George i di ? Si nou téi vot pou nou. Ala k’i fé travay nout tèt : Kossa nou fé avèk lë ko-dévlopman avèk bann péi lé tèr-la, lé kosté sanm nou. Nout lavnir lé in pë dann nout landroi ; zot i kroi pa ? Kan bann jenn La Rénion, i sava dann Kébèk, dann Lostrali, dann l’Inn, zot i kroi pa nout lavnir i fé galman la-ba. Kan i di : dann in pë d’tan, pa tro loin, la Shine avèk l’Inn sar lë dë prémyé péi dann lékonomi mondial,i vien pa, dann nout tèt inn-dë lidé, shanj in pë.Fransh vérité ! Lë tan "mon péi bato fou"la pankor fini, mé la pa loin !

Justin

*shanté ziskakan-paroli