La Frans, ou mem sinkyèm péi dann mond par out lékonomi. Ou lé modèrn : ou fé lavion, ou fé bato, out bann savan lé konï, lé rokonï. Ou nana gran-gran médsin. Ou la fé fèr tout sort gayar monïman. Kan i di Paris, lo zié tout demoun dann mond i bril tèlman i mazine gayar zafèr.

L’abbé Pierre i sort fini son parkour sü la tèr. Na plüs sinkant an lï l’apré vanjé pou bann moun mizèr, pou sak na poin la kaz, pou sak la poin manjé an sïfïzans kisoi bann lo zonm, kisoi bann fanm, kisoi bann zanfan. Kan k’i ariv livèr nana tout in ta zasosiasion i sèy donn in boushé manzé dmoun.

Oté, La frans ! Tousa out bann travayèr, tousa out bann savan, tousa out bann lantropriz, tousa out zénès. Kosa ou la fé avèk zot kouraj ? Ou la angrèss bann kapitalis soloman ? Di pa moin l’abé Pièr lé mor pou arien.

Justin