I pé di osi « la gingn in boi ». Sansa in moun la boush ali. Kosa sa i vé dir ojis ? Sa i vé dir ou la gingn in kozman - in réplik - si tèlman dir é ké ou i té atann mèm pa, ké ou l’avé pi kouraj pou kozé. Dovan lo réplik out z’argiman i tienbo pi d’bout. I arèst in sèl z’afèr pou fèr sé fèrm out také. Moin pèsonèl mi èm pa sa, pars mi trouv sa lé vyolan é la vyolans la pa touzour nésésèr. La vyolans dann bann parol, i rojète é i rasanm pa, i amenn pa pèrsone pou ète dakor avèk ou. In pti provèrb i vien dann mon tète toutsuit-la, sé : « I ral pa moush avèk vinèg ! ».

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! zot va oir ké rant-rant ni pé z’ète tazantan dakor rantre nou.