Mézami, néna plizyèr kalité d’kanpagn, mé an parmi néna inn mi apréssyé dopi étan pti sé la kanpagn sikriyèr. Sa té kékshoz i prépar d’avanss : dann déssèrtin kartyé i béni lo kouto, épi lo bèf-dan tan bèf téi ral sharète — i béni ossi toute sak i ansèrv pou la kanpagn.

Dann tan la kanpagn téi rouv dsi in èr d’fète, épi téi rofèrm, parèye. Bande plantèr téi konte avèk la koupe larzan i sava rantré ziss assé pou pèye lo krédi, épi pou ashté linz égalman pou prépar lo nouvèl plantassion.

Zordi lé domaz la kanpagn i rouv pi dsi in èr d’fète, i rouv dsi in èr d’rovandikassion, in èr d’kontestassion, in èr d’krinte galman pars i koné pa si kann va pèye son kor épi va rèss kékshoz dann la trézorri.
Alé ! mi kite azot rofléshi dsi toussala é ni artrouv pli d’van, sipétadyé.

Justin