Mézami kozman-la sa in provèrb sa é mi panss zot konm mwin ni koné sa dopi lontan, kaziman dopi lo tan Zézikri téi marskh gro katpate. Mé pétète zot konm mwin ni koné pa kossa sa i vé dir avèk préssizion si i pé z’ète préssi dann in ka konmsa.

Donk mwin la parti rode sa dann somi-lo mo, in liv, défin Danyèl Honoré é pou li sa i vé dir « méfyé l’aparans ». Biensir wi kroi la ké lo shien lé mal fiksé, é pé s’fèr li va tonbé, mé la pa vré li lé solide konm li lé.

Sa i rossanb listoir lo shène épi lo rozo. Lo shène i roprosh lo rozo — dizon lo zèrb Sin-Pol — d’ète faye alé oir kan la fé in gro siklone sé lo gro pyé d’boi k’la tonbé é pa lo zèrb sin-Pol.

Alé ! mi kité azot rofléshi la dsi é ni rotrouv pli d’van, sipétadyé.

Justin