« La klé paradi Sin-Pyèr la pa d’or-é-d’arzan ! »

Pou kosa li la pa d’or-é-d’arzan ? Pars nou n’oré pi dir, pou rouv la port lo paradi in klé konmsa lé pa initil. Pou kosa ? Pars Sin-Pyèr lé gardien paradi Bondyé, donk, mi pans la klé i doi alé avèk la boté d’lo paradi, avèk son konfor, avèk tout lo liks ni pé pans trouv dann la mézon Bondyé. Mé d’apré sak moin la antann dann zistoir, kan ou i anbèk shomin pou la vi apré la mor i done aou lo shoi : soi in vyé klé rouyé, soi in klé an or. Malèr aou si ou i shoizi lo dézyèm, pars lo dézyèm i amenn aou dann l’anfèr osinonsa lo pirgatoir. Si ou i pran lo faye ti-klé ou i amontr ou lé modès, ou i rod pa lo liks, ou lé paré pou amenn la vi difisil, k’i déboush a la fin dann lo paradi. Zot i oi lo sans mon kozman ? Lo syèl, sa i fo mérité sa, i gingn pa sa lo doi dann né. Alé ! ni artrouv pli d’van !