La kolonizassion sa in problèm grave

4 zanvié 2024, sanm Justin

Nou lé bouleversé par sat y espas en Palestine. Y prétan na pli 28000 morts ek sèk la perde, y trouv pi. La plipar sé fanm ek marmailles. Dann monn entier na gran manifestassions pou domande arèt la guèr mé y arèt pa mêm. Si lé pa la bombe, sé la faim ek la fré y tié à zot. Toute lé fé pou extermine toute Palestinien.

Dopi détroi zour, lo bann komanditèr dann Israël y komans di zot lintension. Zot y di y fo renvoye toute bann palestinien viv dann dote péï pou zot gagne kolonize toute lo pays en entier et viv en pé. Hé ben ! Incroyab hein ? É poitan !

Sé sa la kolonizassion. Kroir ke out pèp lé méyère ke lote é donk ou pé fé sak ou la envi ek zot : ème à zot si ou ve, déteste à zot si ou ve, maltrèt à zot, tié à zot ou déporte à zot si ou ve osi ! Ou pense ou pé trèt à zot konm ou ve.

Nora poin zamé la pé tanke Nora domoun y pense konm sa, ke zot lé sipérièr, ké zot y pé domine lé zot konm zot y vé. Nora zamé la pé parse zamé in pèp va aksèp èt dominé. To ou tar li va soulèvé. Israël Nora zamé la pé tank li voudra kolonize in péï y appartien pa li.

Sat y espas en Palestine y monte ankor in foi bann konsékans katastrofik é labominassion la kolonizassion.

Ni artrouv.

Justin

Padport

Signaler un contenu

Inn modékri, inn ti lavi, inn komantèr ?

Témoignages - 82e année

+ Lus


2026 Témoignages