Dann tout shoz nana in poin fèb épi in poin for. In boksèr I rode lo poin fèb son l’advèrsèr pou li mèt boubou. Sa lé vré in pé dann tout z’afèr. Ala pou kosa souvan-dé foi, I konsèy aou, baz dsi out poin for épi ranfors out poin fèb. Pou sa i fo ou i koné aou bien pars si sé out poin fèb ké ou i mète an avan lé fouti pou ou.

Kan mi di i fo demoun i koné azot bien, sa la pa in vérité d’zordi : de tou tan lé konmsa. Pars out l’advèrsèr, si li lé bien konséyé, li fini par konète aou. L’èr-la ou lé moungué, ala ké ou i tonm son bèf.

Kosa zot i anpans ? Arien ditou ? Fé travaye z’ot koko ! Fé bouy z’ot matyèr gri ! Zot va oir ké, rant-rant, ni pé z’ète, dakor rantre nou.