Mézami, mi panss dann kozman-la sak lé inportan sé k’i pé dir dann toute shoz i pé an avoir in poin fèb é sé koté poin fèb-la lafèr i kapote si èl néna pou kapoté.

Biensir, dann in kékshoz konmsa, ni anparl pa solman la korde. La korde sé lo sinbol pars èl néna son poin for épi son poin fèb. Mé dann toute antropriz imène néna galman son poin for épi son poin fèb.

Sa i rapèl amwin in n’afèr l’ariv mon papa dann tan li lété ankor dsi la tèr é lo tan li l’avé bèf. Son bèf la apiye ali konte in pyé zak é li la poussé avèk son mil kilo d’poi. La fin sèrtène ? Mé li la nyabou rante son main dann lo nazo lo bèf é sirman la fé si tèlman mal lo bèf la larg la préssion é li la nyabou shapé.

Mi koné pa kossa zot i anpanss mé zot i pé rofléshir é ni rotrouv pli dvan, sipétadyé.

Justin